275. Post ea dicat professionem suam : " Ego No ..... regulam commilitonum Christi et milicie ejus Deo adjuvante servare volo, et promitto propter vite eterne premium, ita ut ab hac die non mihi liceat collum excutere de jugo regule; et ut hec peticio professionis mee firmiter teneatur, hanc conscriptam obedientiam in presentia fratrum in perpetuum trado, et manu mea sub altare pono, quod est consecratum in honore Dei omnipotentis et beate Marie et omnium sanctorum. Et dehinc promitto obedientiam Deo et huic domui, et sine proprio vivere, et castitatem tenere secundum preceptum domini pape, et conversationem fratrum domus milicie Christi firmiter tenere. "